Vocabulary

ᎡᏘ ᎢᏴᏃ - a long time ago
ᎡᏘ ᎢᏴᏃ e:ti:yvhno - a long time ago
ᏥᎨᏎᎢ tsige:se:'i - that it was
ᎢᎾᎨ i:nage - forest, woods
ᎠᏁᎯ ane:hi - they live (there) (animals)
ᎢᎾᎨ ᎠᏁᎯ i:nage ane:hi - the forest dwellers (wild animals)
ᏓᎾᏟᏃᎮᏍᎨᎢ danahli:nohe:sge?i - they were talking
ᏍᎩᏃ sgihno - at that
ᎢᏴᎯ i:yvhi - time
ᏥᏍᏚ tsihsdu - rabbit
ᏃᎴ no:le - and
ᎠᏫ ahwi - Deer
ᎤᎾᏓᏅᏖᎴᎢ - unada:nte:le?i - decided
ᎤᎾᎵᏙᎩᏯᏍᏗ u:nahlto:gi?iyahsdi - to race each other
ᎢᎾᎨᎢᏃ i:nage:?ihno - in the woods
ᎡᎯ e:hi - lives
ᏥᏓᏘᏴ tsuda:kiyv - the winner of the race
ᏧᏲᏃ tsuhyo:ni antlers
ᏧᏱᏗ tsu:hy(i)di - to get them (long); to receive them
ᎨᏎᎢ ge:se:?i - was
ᎯᎠᏃ ᎢᏴ hi?ahno i:yv - now at this time
ᏧᏲᏂ tsuhyo:ni - antlers (horns)
ᏧᏬᏚᎯ tsuwo:dúhi - beautiful
ᎠᏁᎵᏍᎨᎢ ane:lisge?i - they thought, considered
ᎢᎾᎨ ᎠᏁᎯ i:nage ane:hi – forest dwellers
ᎤᎾᎵᏙᎩᏯ unahli:tokiya - when they raced (ahli=run + atokiya=race)
ᎠᏫ ahwi - Deer
ᏚᏓᏘᏰᎢ duda:ki:ye?i - defeated him
ᎠᏫᏃ ahwi:hno - and the Deer
ᏚᏓᏒᏁᎢ duda:sv:ne?i - he won (them) (base verb unknown)
ᏧᏲᏂ tsuhyo:ni - antlers
ᏥᏍᏚ tsihsdu - rabbit
ᏙᏯ (ᏙᏳ) do:hya (do:hyu) - very
ᎤᏔᎵᎰᏎᎢ uta:lihose?i - angry
ᏓᎬᏯᏤᏘᏎᎵ dagvyatsetsheli - I will get even
ᎤᏛᏁᎢ udvne?i – he said
ᏥᏍᏚ tsihsdu - rabbit
ᎤᏓᏅᏖᎯᏐᎰ ᎾᏃ uda:nte:hihso:ho?na:hno - and after thinking, considering
ᏖᎸᎳᏗ te:lv:la:di - grapevine
ᏭᎾᎩᏎᎢ wu:nagi:se?i - he got it (flexible)
ᏐᏉ so:gwo - one
ᎢᏣ i:tsa - side
ᎤᏍᎦᎵᏥᏙᎴᎢ u:sgahltsidole?i - he bit it continously
ᏧᎵᎦᎵᏍᎢᏕᎾ tsuli:gali:side:na - on the point of breaking
ᏄᎵᏍᏓᏁ nuhl:sda:ne - it became
ᎦᏅᏅ ganv:hnv - road
ᎢᏣ i:tsa - side / towards
ᎤᏅᏁᎢ unv:ne?i - he placed it
ᏥᏍᏚᏃ tsihsduhno - rabbit
Ꮟ si - again
ᎠᏓᎾᏫᏗᏍᎨᎢ a:dana:wi:di:sge?i - he was jumping
ᏃᎴ no:le - and
ᎠᏍᎦᎵᏥᏙᎮᎢ asgahltsi:dohe?i – he was biting it
ᏖᎸᎳᏗ te:lv:la:di - grapevine
ᏍᎩᏃ sgihno - that
ᎾᏛᏁᎵᏍᎬᎢ nadv:nelisgv?i – he was doing (it)
ᎤᎷᏤᎢ ulu:tse?i - he came, arrived
ᎠᏫ ahwi - Deer
Ꮩ ᎭᏛᏁᎭ (ga)do: hadv:neha - what are you doing?
ᎠᎪᏎᎴᎢ agose:le?i - he was asked
ᏥᏍᏚ tsihsdu - Rabbit
ᏙᏳᏃ do:hyuhno - very
ᏓᏍᏓᏯ dasda:ya - are strong
ᏕᏥᏅᏙᎬ detsi:ndo:gv - my teeth
ᎤᏛᏁᎢ u:dvne?i - he said
ᏥᏍᏚ tsihsdu - Rabbit
ᏰᎵᏉᏃ ye:li:gwo:hno - so I can
ᏱᏕᏥᎦᎳ yide:tsigala:ga - bite/cut into
ᎯᎠ hi:a - this
ᏖᎸᎳᏗ te:lv:la:di - grapevine.
ᏩᎾᎯᏃ wa:nahi:hno - very easily
ᏚᎦᎵᏎᎢ du:gali:se?i - he broke it
ᎠᏫᏃ ahwihno - Deer
ᎤᎵᏍᏓᎩᏓ uhlsdagi:da - bitten
ᏁᎨᏒᎾ nige:svna - wasn't
ᎢᏣ i:tsa - towards, side
ᎤᎵᏍᏓᎩᏎᎢ uhlsdagi?se?i - he bit
ᎤᎪᏩᏛᎭᏃ ugohwtv:hahno - when he saw
ᎢᏳᏍᏗ iyuhsdi - what
ᎾᏛᏁᎲ nadv:nehv - he was doing
ᏥᏍᏚ tsihsdu - Rabbit
ᎤᏚᎸᎮᎢ udu:lvhe?i - wanted
ᎤᏁᎵᏙᏙ unehldo?di - to try
ᎠᏫ ahwi - Deer
ᎤᏕᎶᎰᏌ ude:loho:sa - when he saw
ᏥᏍᏛ tsihsdu - Rabbit
ᎣᏏ ohsi - good
ᏄᎵᏍᏓᏁᎲ nuhlsda:nehv - was becoming
ᎤᎵᏍᏗ uhlihsdi - weak
ᏭᎾᎩᏎᎢ wu:nagi:se?i - (went and) got it (flexible)
ᎡᏆ e:gwa - large
ᏖᎸᎳᏗ te:lv:la:di - grapevine
ᎦᏅᏄᏃ ganv:hnu:no - road (vowel change because of the -hno suffix)
ᎠᏰᎵ aye:li - middle
ᏍᏉ sgwo: - also
ᎤᏅᏁᎢ unv:ne?i - it was lying
ᎠᏫᏃ ahwihno - Deer
ᏭᏓᎾᏫᏛᎮᎢ wudana:wi:dvhe?i - he jumped
ᏃᎴ no:le - and
ᏭᏍᎦᎵᏤᎢ wuhsgahlitse?i - he bit
ᏖᎸᎳᏗᏐ te:lv:la:di - grapevine
ᏥᏍᏚᏃ tsihsduhno - Rabbit
ᏐᏱ (ᏐᎢ) so:yi - same
ᏄᏛᏁᎸ nudv:nelv: - what he had done
ᏫᏄᏛᏁᎴᎢ winudv:nele:?i - did the same
ᎠᏫ ahwi - Deer
ᎤᏄᎸᏁᎢᏉ unu:lvne?igwo - he just couldn't do it
ᎠᏍᎪᎵᏉᏃ ahsgo:ligwohno - his head
ᎤᏩᏌ u:wa:sa - only
ᎤᏍᎫᏱᏍᏓᏁᎢ u:skuhyisdane?i – it hit his head
ᏖᎸᎳᏗ te:lv:la:di - grapevine
ᏥᏍᏈᏍᏓᏃ tsgwi:sdahno - several
ᎢᏴᏩᎦᏗ iyuwa:kdi - times
ᎤᏁᎵᏔᏁᎢ unehltane:i – he tried
ᏧᎦᎵᏍᏗᏳ tsugali:sdi:yu - to break them
ᎠᏫᏃ ahwihno - and the Deer
ᎤᏄᎸᏁᎢ unu:lvne?i - couldn't
ᎣᏂᏃ o:hni hno - the end
ᎢᏣ i:tsa - toward
ᎨᏒᎢ ge:sv?i - it was
ᎲᎦᏂᏚᏍᏗ hvga:niduhsdi - let me see
ᏕᎯᏅᏙᎬᎢ dehi:ndogv?i - your teeth
ᎤᏛᏁᎢ u:dvne?i - he said
ᏥᏍᏚ tsihsdu - Rabbit
ᎠᏫ ahwi - Deer
ᎾᏉᏩᏘᏍᎬᎾ na-gohwtisgv:-na – he couldn't see
ᎢᏳᏍᏗ iyuhsdi - what (that which)
ᏂᏗᎦᎵᏍᏓᏂᏒ nidigahlsdani:sv - was going to happen, about to happen
ᏓᏥᎪᎵᏰᎴᎢ datsigo:liyele?i - were looked at
ᏕᎦᏅᏙᎬᎢ dega:ndogv?i - his teeth
ᏕᎯᏅᏙᎬᎢᏃ dehi:ndogv?ihno - your teeth
ᏗᎬᏲᏓᎢᎥᎡᏗ digv:yodaiv?edi - I need to sharpen them
ᏙᏳᏃ dohyu:hno - very
ᏗᎪᏍᏗᏳᎵ digo:sdiyuhli - are blunt, dull
ᎤᏛᏁ u:dv ne: - he said
ᏥᏍᏚ tsihsdu - Rabbit
ᏍᎩᏃ sgihno - because
ᎢᏳᏍᏗ iyuhsdi - reason
ᎪᎰᏍᏗ (ᎪᎱᏍᏗ) gohohsdi - something (variant of gohuhsdi)
ᎦᏣᎵᏍᏓᎩᏍᏗ gatsahlsdagisdi - you can't bite (ga- + infinitive means "ability to" DF 321)
ᏂᎨᏒᎾ ni-gesv-na - can't
ᏥᎩ tsi:gi - is
ᏍᎩᎾ sgi:na - with that
ᎾᏥᏪᏎᎳ na:tsiwe:se:la - was told
ᎠᏫ ahwi - Deer
ᏄᏕᎮᎸᎾ n-udehe:lv:-na - couldn't refuse
ᎨᏎᎢ ge:se?i - was
ᏥᏍᏚᏃ tsihsduhno - so the Rabbit
ᏅᏯ nv:ya - rock
ᎬᏗ gvhdi - using / with
ᎤᎴᏅ ule:nv - he began
ᏕᎪᏔᎵᏒᎢ dego:talishv?i - to sharpen them (W - ᎬᏟᎭ kdliha)
ᎠᏫ ahwi - Deer
ᏓᎦᏅᏙᎬᎢ dega:ndogv?i - teeth
ᏚᏬᏓᎸᎮᎢᏃ duwodalvhe?ihno - he ground them down
ᎠᎭᏳᎬ ahayu:gv - gums
ᎾᎢ na?v - near / close to
ᏩᏍᏗ wahsdi - end
ᎡᎯᏍᏗ ehihsdi - it hurts
ᎤᏛᏁᎢᏃ u:dvne?ihno - he said
ᎤᏦᏱᎳ u:tso:hyila - when he cried
ᎠᏫ ahwi - Deer
ᎡᎯᏍᏙᎢᏃ ehihsdo?ihno - it hurts
ᏂᎪᎯᎸ nigohi:lv - all the time (always)
ᏙᎪᏍᏓᏱ digo:sda:yi - sharp
ᏂᏕᎦᎵᏍᏗᏍᎬᎢ nide:gahlsdisgv?i - when they get
ᎤᏛᏁᎢ u:dvne?i - he said
ᏥᏍᏚ tsihsdu - Rabbit
ᎪᎯᏃᎢᏴ go:hihno?iyv - a little while later
ᎩᎳ ki:la - until
ᏃᏗ no:di - now
ᎭᏥᏓᎩ ha:tsdagi - you bite
ᎠᎪᏎᎴᎢ ago:se:le?i - he told him
ᎠᏫ ahwi - Deer
ᎤᏍᏆᏂᎪᏎᎢᏃ uhsgwanigo:se?ihno - he was surprised
ᎠᏫ ahwi - Deer
ᎪᎰᏍᏗ(ᎪᎱᏍᏗ) gohohsdi - anything (nothing)
ᎬᏩᏥᏍᏓᎩᏍᏗ gvwa:tsdagihsdi - couldn't bite
ᏂᎨᏒᎾ nige:sv:na -negative participle (without, it could not be)
ᎨᏒᎢ gesv?i -past tense
ᏥᏍᏚᏃ tsihsduhno - Rabbit
ᎤᎵᏍᏓ uhlihsda - quickly
ᏄᏪᏎᎢ nu:we:se?i - said
Ꭷ ka - interjection, "Hey!"
ᏃᏗ no:di- now
ᏕᎬᏯᏤᏥᏏ degv:yatse:tsi:si - I got even with you
ᎤᏛᏁᎢ u:dvne?i – he said
ᏍᎩᏃᎢᏴ sgihno?iyv - at that time
ᏌᎷᏱ salu:yi - bushes
ᏭᏕᎵᏤᎢ wude:litse?i - disappeared into
ᏍᎩᏃ sgihno - so this
ᎢᏳᏍᏗ iyuhsdi - like this
ᏍᎩᏃ ᎢᏳᏍᏗ sgihno iyusdi - because of this, for this reason, so this is why
ᎯᎪᎯᏥᎩ hi:gohi:tsigi - to this day
ᎠᏫ ahwi - Deer
ᏧᏆᎶᎦ tsu:gwalo:ga - leaves
ᏃᎴ no:le - and
ᎧᏁᏍᎦ kane:sga - grasses
ᎤᏩᏌ uwa:sa - only (it’s the only thing)
ᎬᏩᎩᏍᏗ gv:wagihsdi – he can eat (neutral)

ᏧᏍᏗᏳᎵ ᏕᎦᏅᏙᎬ ᎠᏫ

Ahwi nole Tsisdu

ᎡᏘ ᎢᏴᏃ ᏥᎨᏎᎢ ᎢᎾᎨ ᎠᏁᎯ ᏓᎾᎵᏃᎮᏍᎨᎢ. ᏍᎩᏃ ᎢᏴᎯ ᏥᏍᏚ ᏃᎴ ᎠᏫ ᎤᎾᏓᏅᏖᎴᎢ ᎤᎾᎵᏙᎩᏯᏍᏗᏳ. ᎢᎾᎨᎢᏃ ᎡᎯ ᏧᏓᎩᏴ ᏧᏲᏂ ᏧᏱᏗ ᎨᏎᎢ. ᎯᎠᏃ ᎢᏴ ᏧᏲᏂ ᏧᏬᏚᎯ ᎠᏁᎵᏍᎨᎢ ᎢᎾᎨ ᎠᏁᎯ.
ᎤᎾᎵᏙᎩᏯ ᎠᏫ ᏚᏓᎩᏰᎢ. ᎠᏫᏃ ᏚᏓᏒᏁᎢ ᏧᏲᏂ. ᏥᏍᏚ ᏙᏳ ᎤᏔᎵᎰᏎᎢ. ᏓᎬᏯᏤᏤᎵ ᎤᏛᏁᎢ ᏥᏍᏚ.
ᎤᏓᏅᏖᎯᏐᎰ-ᎾᏃ ᏖᎸᎳᏗ ᏭᎾᎩᏎᎢ. ᏐᏉ ᎢᏣ ᎤᏍᎦᎵᏥᏙᎴᎢ. ᏧᎵᎦᎵᏏᏕᎾ ᏄᎵᏍᏓᎾ ᎦᏅᏅ ᎢᏣ ᎤᏅᏁᎢ. ᏥᏍᏚᏃ Ꮟ ᎠᏓᎾᏫᏗᏍᎨᎢ ᏃᎴ ᎠᏍᎦᎵᏥᏙᎮᎢ ᏖᎸᏩᏗ. ᏍᎩᏃ ᎾᏛᏁᎵᏍᎬᎢ ᎤᎷᏤᎢ ᎠᏫ. "Ꮩ ᎭᏛᏁᎭ1?" ᎠᎪᏎᎴᎢ ᏥᏍᏚ. “ᏙᏳᏃ ᏓᏍᏓᏯ ᎦᏥᏅᏙᎬᎢ,” ᎤᏛᏁᎢ ᏥᏍᏚ. “ᏰᎵᏉᏃ ᏱᏕᏥᎦᎳᎦ Ꭿ ᏖᎸᎳᏗ. ᏩᎾᎯᏃ ᏚᎦᎵᏎᎢ. ᎠᏎᏃ ᎤᎳᏍᏓᎩᏓ ᏂᎨᏒᎾ ᎢᏣ ᎤᎳᏍᏓᎩᏎᎢ.
ᎤᎪᏩᏛᎭ ᎢᏳᏍᏗ ᎾᏛᏁᎲ ᏥᏍᏚ ᎤᏚᎸᎮᎢ ᎤᏁᎳᏙᏗ ᎠᏫ. ᎤᏕᎶᎰᏌ ᏥᏍᏚ ᎣᏏ ᏄᎳᏍᏓᏁᎲ ᎤᎵᏍᏗ ᏭᎾᎩᏎᎢ ᎡᏆ ᏖᎸᎳᏗ. ᎦᏅᏄᏃ ᎠᏰᎵᏍᏉ ᎤᏅᏁᎢ ᎠᏫᏃ ᏭᏓᎾᏫᏛᎮᎢ ᏃᎴ ᏭᏍᎦᎵᏤᎢ ᏖᎸᎳᏗ. ᏥᏍᏚᏃ ᏐᏱ ᏄᏛᏁᎸ ᏫᏄᏛᏁᎴᎢ ᎠᏫ. ᎤᏄᎸᏁᎢᏉ. ᎠᏍᎪᎵᏉᏃ ᎤᏩᏌ ᎤᏍᎫᏱᏍᏓᏁᎢ ᏖᎸᎳᏗ. ᏥᏍᏈᏍᏓᏃ ᎢᏳᏩᎦᏗ ᎤᏁᎳᏓᏁᎢ ᏧᎦᎵᏍᏗᏳ. ᎠᏎᏃ ᎤᏄᎸᏁᎢ. ᎣᏂᏃ ᎢᏣ ᎨᏒᎢ “ᎥᎦᏂᏚᏍᏗ ᏕᎯᏅᏙᎬᎢ,” ᎤᏛᏁᎢ ᏥᏍᏚ. ᎠᏫᏃ ᎾᎪᏩᏘᏍᎬᎾ ᎢᏳᏍᏗ ᏂᏗᎦᎵᏍᏓᏂᏒ ᏓᏥᎪᎵᏰᎴᎢ ᏕᎦᏅᏙᎬᎢ. "ᏕᎯᏂᏙᎬᎢᏃ ᏗᎬᏲᏓᎸᎡᏗ. ᏙᏳᏃ ᏗᎪᏍᏓᏳᎵᏳ," ᎤᏛᏁ ᏥᏍᏚ. “ᏍᎩᏃ ᎢᏳᏍᏗ ᎪᎱᏍᏗ ᎦᏣᎵᏍᏓᎩᏍᏗ ᏂᎨᏒᎾ ᏥᎩ.” ᏍᎩᎾ ᎾᏥᏪᏎᎳ, ᎠᏫ ᏄᏕᎮᎸᎾ ᎨᏎᎢ.
ᏥᏍᏚᏃ ᏅᏯ ᎬᏗ ᎤᎴᏅᎮ ᏕᎪᏔᎵᏍᎬᎢ ᎠᏫ ᏕᎦᏂᏙᎬᎢ. ᏚᏬᏓᎸᎮᎢᏃ ᎠᎭᏳᎬ ᎾᎥ ᏩᏍᏘ. ᎡᎯᏍᏗ, ᎡᎯᏍᏗ ᎤᏛᏁᎢᏃ ᎤᏦᏱᎳ ᎠᏫ. ᎡᎯᏍᏙᎢᏃ ᏂᎪᎯᎸ ᏗᎪᏍᏓᏱ ᏂᏕᎦᎵᏍᏗᏍᎬᎢ ᎤᏛᏁᎢ ᏥᏍᏚ.
“ᎪᎯᏃᎢᏴ ᎩᎳ ᏃᏗ ᎭᏓᏍᏓᎩ,” ᎠᎪᏎᎴᎢ ᎠᏫ. ᎤᏍᏆᏂᎪᏎᎢᏃ ᎠᏫ ᎪᎰᏍᏗ ᎬᏩᏥᏍᏓᎩᏍᏗ ᏂᎨᏒᎾ ᎨᏒᎢ. ᏥᏍᏚᏃ ᎤᎵᏍᏓ ᏄᏪᏎᎢ, "Ꭷ ᏃᏗ ᏕᎬᏯᏤᏥᏏ,” ᎤᏛᏁᎢ. ᏍᎩᏃᎢᏴ ᏌᎷᏱ ᏭᏕᎵᏤᎢ.
ᏍᎩᏃ ᎢᏳᏍᏗ ᎯᎪᎯᏥᎩ ᎠᏫ ᏧᏆᎶᎦ ᏃᎴ ᎧᏁᏍᎦ ᎤᏩᏌ ᎬᏩᎩᏍᏗ.


Why Deer's Teeth Are Blunt

There was a time when animals could talk to each other. At this time, Rabbit and Deer decided to have a race. This race was to determine which animal would win the prestige of wearing antlers. Antlers were very attractive to the animals during this era.
The race began and Deer easily won the prize. This made Rabbit very angry and he decided to get even.
Rabbit after some thought got a grapevine and began to chew it on one side. When it was almost broken he stretched it across a trail. Rabbit continued to jump and bite at the grapevine. While doing so, Deer came along and asked Rabbit what he was doing. "My teeth are so strong I can bite this into two parts", said Rabbit. This he did very easily. Of course, Rabbit bit the side that had not been bitten.
Deer seeing this said he wanted to try. According to plan, Rabbit quickly got a big vine, and stretched it across the trail. Deer jumped and bit at the vine exactly as Rabbit had done. It was to no avail. The grapevine only knocked him on the head. He continually tried several times, but couldn't break the vine. Finally, Rabbit said, "Let me see your teeth."
Deer, not realizing the coincidence, let Rabbit see his teeth. "No wonder you can't bite anything. Your teeth are too dull. Let me sharpen them for you," said Rabbit. With such a good suggestion, Deer couldn't refuse as he was not going to be outwitted by Rabbit.
Rabbit got a rough stone and began to file Deer's teeth. He continued to file until they were almost down to the gums. "It hurts, it hurts," cried Deer. "It always hurts when they begin to get sharp," replied Rabbit.
After awhile, Rabbit told Deer to begin biting. To his surprise, Deer could not bite anything. Very rapidly, Rabbit said, "Now we're even," and jumped into the bushes.
To this day, Deer can eat only leaves and grasses.


Based a story that originally appeared in the Journal of Cherokee Studies. Transcribed, redacted, and updated by ᏔᎻᎵ.


© 1996 - 2017 Culturev.com All Rights Reserved. :: Make Donation :: info@culturev.com :: Reference Materials Used on this Site
:: This website is best viewed in Firefox ::